Герб Жамойцкага староства
| Герб Жамойцкага староства | |
|---|---|
 |
|
| Дэталі | |
| Суб’ект | Жамойцкае староства |
| Носьбіт | Жамойцкае староства |
| Зацверджаны | пасля 1566 г. |
Герб Жамойцкага староства (польск.: Herb Starostwa Żmudzkiego) — геральдычны сімвал Жамойцкага староства Вялікага княства Літоўскага.
У 1411 годзе, пасля Вялікай вайны з Тэўтонскім ордэнам, паспяховай для Польшы і ВКЛ, Жамойць паводле 1-га Таруньскага міру ўвайшла ў склад ВКЛ[1]. З 1411 года вялікія князі літоўскія рэгулярна прызначалі ў Жамойць старостаў, але ў вялікакняжацкім тытуле яна называлася княствам.
Апісанне
[правіць | правіць зыходнік]У чырвоным полі чорны паўсталы мядзведзь са срэбным (часам выяўлялі залатым) ашыйнікам.
Гісторыя
[правіць | правіць зыходнік]Мядзведзя на гербе Жамойці звязвалі з Урсінамі, адным з легендарных арыстакратычных родаў, якія паводле падання пра Палемона перасяліліся з Італіі ў Літву, бо прозвішча роду паходзіць ад лац.: ursus (мядзведзь або мядзведжы). Аднак у Грунвальдскай бітве (1410) і на Канстанцкім царкоўным саборы (1415) жамойты ўдзельнічалі яшчэ без свайго герба, у Канстанцы яны прасілі вялікага князя Вітаўта дазволу карыстацца яго геральдыкай[2].
У 1584 годзе герольд Барташ Папроцкі ўпершыню дае апісанне герба Жамойціі — у барвовым полі чорны мядзведзь з белым ланцугом вакол шыі[3].
Мядзведзь, які стаіць на чатырох лапах, на пячатцы вялікага князя Вітаўта, які раней лічылі гербам Жамойці, аказаўся гербам Смаленскага княства, бо на пячатках вялікіх князёў Аляксандра, Жыгімонта Старога і Жыгімонта Аўгуста над мядзведзем надпіс Smoleghne (Смаленскі)[4].
На вялікім гербе Расійскай імперыі таксама выяўлялі «герб Самагіцкі» — у залатым полі «чорны, паўсталы на задніх лапах, мядзведзь, з барвянымі вачыма і языком».
Галерэя
[правіць | правіць зыходнік]-
Герб староства пад княжацкай каронай (каля 1586). -
Герб з гербоўніка Барталамея Папроцкага. -
З гербоўніка Каспара Нясецкага. -
Герб пад княжацкай каронай ў Пасольскай зале Каралеўскага замка ў Варшаве. -
У складаным гербе ў Вавельскім замку ў Кракаве. -
-
Выява 1720 года. -
Гербы Жмудскага біскупства, Жмудскага княства і горада Меднікі (1900). -
У складзе вялікага герба Расійскай імперыі (1882).
.png)
.jpg)
Зноскі
- ↑ Канчаткова Жамойць увайшла ў склад ВКЛ паводле Мельніцкаму міру 1422 года
- ↑ Герб исторической области Жямайтия (Жмудь, Самогития). Архівавана з першакрыніцы 22 лютага 2022. Праверана 22 лютага 2022.
- ↑ Бартош Папроцкий Гербы польскага рыцарства, 1584
- ↑ Исторические области Литвы. Архівавана з першакрыніцы 5 лютага 2022. Праверана 22 лютага 2022.